1.    使用本土語言授課的過程中，一面練習共語言生活化、一面學習愛護土地的議題。
2.    臺灣四面環海、有三分之二是山，山佮海的議題是每一个臺灣人袂當無了解的。
3.    期待同學透過了解現狀、思考解決方式，佇未來面對愛護地球的議題會閣較清楚。
說明：
咱臺灣的形誠像番薯，是一粒浸水的番薯，雖然小小一粒，煞有超過一半的土地屬於山，咱若無愛海、無愛山、干焦愛家己，到最後的結果就是連生活的所在攏無，是咱每一个人無尊重環境得著的懲罰。愛護環境一直是重要的議題之一，只有每一个人攏有心執行，才會當達成目標。
除了知影按怎耍，知影按怎保護家己閣較重要，這是佇海邊抑是山頂攏袂當忽視的主題。