對誠濟囡仔來講，「過新年」是一件誠值得歡喜的代誌，因為會使領著「硩年錢」！毋過應該有真濟學生佮意過年的氣氛，煞無真了解為啥物咱欲過新年？咱台灣有啥物無仝的年節活動？所以阮對年節特色當做主題來發想，除了紹介咱較捷咧過的「舊曆新年」以外，嘛紹介台灣其他族群的過年方式佮由來，親像客人、原住民的年節文化，予學生了解、學習咱台灣特殊的文化。阮會先對食食文化佮民俗文化的差別來做比較，希望予學生透過換位思考，用無仝角度來熟似無仝族群對過年有啥物無sio-siāng的定義，嘛予學生知影這馬原住民的年節活動可能拄著啥物困境佮無公平的所在，希望學生理解而且尊重多元文化的差異性，透過課程內容認捌「咱是按怎需要過年？」以及對台灣多元文化的認同。