用國小學生真佮意的 Pokémon 做主題，結合台語教學和品德教育，予學生佇佮意的領域來練習講台語嘛思考正確的品德觀念。透過 Pokémon 角色，予學生主動去理解號台語名的方式，了解講台語是無限制內容的。紲落來，用遊戲式學習來認捌身軀部位和色水的語詞，予學生有基本的詞彙來講出家己欲設計的寶可夢，進一步透過數位軟體來創作。閣來進入品德教育，學生思考每一隻寶可夢的專長，會當按怎融入校園的生活，來發覺家己有啥物款的能力嘛會當佇學校發揮，仝時陣發現同學的優點。上尾，透過影片看寶可夢團結合作的好品德，結合生活中的情境，予學生思考解決的方法嘛培養正確的價值觀，希望學生揣的家己的價值，嘛發揮專長來幫助這个社會。