本教案融入十九項議題「生命教育」佮SDGs3「健康與福祉」，人生當中健康是上重要的一件代誌，向望透過認捌佮感冒、症頭有關係的語詞予學生佇生活中嘛會使練習講臺語，進一步知影台灣特別的藥籤文化、預防感冒的方法、寄藥包的風俗。了解台灣偏鄉醫療的難題佮困境，做伙來思考改變困境的可能性。 佇生活中人難免會感冒，一開始先紹介感冒無仝症頭的講法，透過對話的練習複習語詞，練習佇生活中的情境使用臺語，紲落來學台語形容詞的「疊字詞」，增加學生對語言的熟似。進一步了解古早時代留落來的藥籤文化、寄藥包的風俗，包含時代背景、特色等等，認捌藥籤對無仝時代的影響。上尾，引𤆬學生了解偏鄉醫療拄著的問題佮困境，思考改變的可能性。